O Sahelanthropus tchadensis está considerado como o homínido máis antigo da historia da Terra (achado ata o de agora). Este ser moi similar ao que para nós é un primate contiña características dos simios ( cerebro pequeno, rostro inclinado, cranio alongado …) e características dos homínidos (dentes caninos, espiña dorsal cunha unión semimóbil no cranio …). 
Deste individuo sabemos que camiñaba erguido pola forma na que tiña soldada a columna vertebral e por onde tiña aloxado o cerebro. Por desgraza descoñecemos o resto de datos: cal era a súa dieta? Tiñan diferenzas entre machos e femias? Como tiñan as extremidades?... Todo é un misterio xa que na actualidade só dispoñemos de cranios e ningún está completo.
O que si que nos aporta este achado é mais datos sobre o que foi o berce da civilización, xa que ao revés de como se pensaba é máis amplo que o corno de África.